الرفاق حائرون يتساءلون في جنون، مفيش ملتقيات توظيف ليكم قريب؟
الإجابة هي لأ بس ده مش معناه إنكم مش هتقابلونا، لأن شهر مارس مليان بالفعاليات المهنية المختلفة اللي بنشارك فيها، واللي هتقدروا تعرفوا تفاصيل أكتر عنها من خلال التدوينة دي
ملتقى توظيف جامعة مصر الدولية
جامعة مصر الدولية بالتعاون مع جوبزيلا بتنظم الدورة الـ 19 من ملتقى توظيفها السنوي لخدمة خريجي الجامعة وطلبة السنة الأخيرة، وبيشارك نخبة من أكبر الشركات والبنوك لتقديم فرص عمل وتدريب لمختلف تخصصات خريجي الجامعة.
التاريخ: 7 مارس 2020
المكان: جامعة مصر الدولية
مين يقدر يحضر؟ طلبة وخريجي جامعة مصر الدولية فقط
http://www.miuegypt.edu.eg/ :الموقع
قمة وملتقى توظيف البرمجة وتكنولوجيا المعلومات
استعد لمقابلة جوبزيلا في IT & Software Development Career Fair & Summit من تنظيم Engineers’ Careers يوم 7 مارس في فندق هلنان لاند مارك في التجمع الخامس، الملتقى السنة دي في نسخته التامنة قوي بمشاركة الشركات اللي بتوفر فر عمل وتدريب مختلفة في قطاع من أهم القطاعات الحيوية في سوق العمل
أكتر من 1000 فرصة عمل هتكون متوفرة غير الخطابات الملهمة والمتخصصة في المجال
التاريخ: 7 مارس 2020
https://bit.ly/2S5tsH2 :التسجيل المسبق شرط أساسي للحضور
http://bit.ly/2vsPrPO :الموقع
المؤتمر السنوي الثامن للعاملين بالموارد البشرية
لكل المهتمين والعاملين بمجال إدارة الموارد البشرية، متفوتوش حضور النسخة الثامنة من المؤتمر السنوي للعاملين بقطاع الموارد البشرية من تنظيم Egycham
يضم المؤتمر أكثر من 15 جنسية تم جمعها من أكثر من 300 شركة دولية ومحلية على مدار يومين، 14 و 15 مارس
يمثل المؤتمر فرصة كبيرة للتعرف على أحدث الأفكار والاتجاهات في صناعة الموارد البشرية وأهم التحديات المستقبلية للموظفين في المجال ده
المؤتمر هيساعدك على توسيع شبكتك المهنية اللي بدورها هتساعدك في احتياجات العمل في المستقبل. وهيساعدك كمان في انك تتعرف على مختلف برامج التدريب في المجال والتي هتوسع خبرتك في صناعة الموارد البشرية. متنساش مقابلة فريق عملنا من Jobzella وتحضر الخطب وورش العمل في المؤتمر
التاريخ: 14 و 15 مارس 2020
http://bit.ly/2vsFXUJ الموقع
http://bit.ly/38golIR التسجيل المسبق شرط أساسي للحضور
معرض التوظيف القانوني
هيساعدك معرض التوظيف القانوني الذي بتنظمه أكاديمية ريسك القانونية في تحقيق أهدافك وتحديد أولوياتك، والهدف من كدة هو تقليل الفجوة بينك وبين حياتك العملية والمهنية، وكمان هتاخد أهم النقط التي هتخليك مؤهلاً بدرجة كافية للدخول في المجال القانوني
ولسة في عدد من المزايا التانية اللي تشجعك على حضور معرض الوظائف القانونية
هتتعرف على مجالات العمل المختلفة والمتنوعة في القانون
هتقابل أفضل الخبراء المتمكنين في المجال
عدد كبير من فرص العمل
هتتتعلم إزاي تقدر تكتب سيرة ذاتية قوية
هتحضر ورش عمل على إيد أفضل خبراء القانون
التاريخ: 28 مارس 2020
http://bit.ly/389L0a0 :المكان
https://legalwebeg.com لمعرفة تفاصيل أكتر
دول 4 فعاليات جوبزيلا هتكون مشاركة فيهم في شهر مارس، قولنا في تعليق هتحضر أي واحد فيهم؟