على الرغم من أن قوانين ميرفي ترجع الى عام 1949 الا أن انتشار قوانين ميرفي في الفترة الأخيرة حدث بعد إذاعة مسلسل ما وراء الطبيعة، حيث يُنسب قانون ميرفي إلى إدوارد مورفى، الذى كان يعمل مهندساً فى مشروع قياس مدى احتمال الجسم البشرى للتباطؤ المفاجئ فى السرعة، وذات مرة ارتكب أحد الفنيين خطأ فى التوصيلات الكهربية فنهره مورفى قائلاً له “لو أن هناك احتمال حدوث خطأ ما فسوف يحدث”، فسمعه أحد المسئولين عن المشروع وسرعان ما تحولت هذه العبارة إلى قانون مورفى بين العاملين.
وفيما يلي نعرض إليكم بعضًا من قوانين ميرفي للعمل في الشركات من تقديم فريق جوبزيلا.
قوانين ميرفي للعمل رقم 25
كل يوم هتوصل أول واحد بس اليوم الوحيد إللي هاتيجي فيه متأخر الشغل هتلاقي المدير قاعد وعامل ميتينج مفاجيء.
قوانين ميرفي للعمل رقم 12
دايما ربيع حياتك المهنية هيقابل خريف حياة الشركة إللي إنت رايحها جديد.
قوانين ميرفي للعمل 3
أسطورة “فلوس إيه بس؟ إنت ابن الشركة” دي لازم تلاقيها في بداية حياتك المهنية.
قوانين ميرفي للعمل 36
دايما هاتلاقي الموظف المتدلع من المدير إللي يجي براحته ويتفوتله الغلطات، وإللي أكيد مش هايكون إنت.
قوانين ميرفي للعمل 1
ما تتمناش لحد إنه يمشي من الشغل، لإنك دايما هاتمشي قبله.
قوانين ميرفي للعمل 47
الإتش آر مش شرير، ومديرك مش وحش اسطوري اتعامل بموضوعية.
قوانين ميرفي للعمل 9
لو حد قالك تفطر معانا.. افطر دي فرصة كويسة تتعرف على زمايلك وعن المطاعم اللي حوالين الشركة.
قوانين ميرفي للعمل 71
ابعد عن الفريش علشان فرهودين وعن القدام علشان زهقانين. خليك متحمس بس راسي.
22 قوانين ميرفي للعمل
أخر حبة في الكاتيل إللي بقالك ربع ساعة بتغليهم عمرهم ماهيكفوا الكوباية بتاعتك.
قوانين ميرفي للعمل 19
الناس نوعين في الشغل إنت مش واحد منهم.
قوانين ميرفي للعمل 16
الديدلاين.. أكتر مصطلح رعب هيقابلك
في النهاية نود أن نعلمكم أن تلك القوانين هي من وحيّ خيالنا وخبرتنا في مجال التوظيف والشركات.
اذا وجدت أنه لا يوجد قانون مما سبق ينطبق عليك لأنك لا تزال تبحث عن عمل، لا تحزن!