Jobzella Blog
No Result
View All Result
subscribe rss Subscribe to RSS
  • الشركات وأصحاب الاعمال
    • الادارة
      • نماذج ادارية
    • التوظيف الالكترونى
    • موارد بشرية
  • المهنيين
    • مهارات شخصية
      • مهارات القيادة
    • البحث عن وظيفة
    • التسويق الشخصى
    • الدورات التدريبية
    • فعاليات
    • مقابلات العمل
    • نصائح مهنية
Subscribe to Newsletter
  • English
Jobzella Blog
  • الشركات وأصحاب الاعمال
    • الادارة
      • نماذج ادارية
    • التوظيف الالكترونى
    • موارد بشرية
  • المهنيين
    • مهارات شخصية
      • مهارات القيادة
    • البحث عن وظيفة
    • التسويق الشخصى
    • الدورات التدريبية
    • فعاليات
    • مقابلات العمل
    • نصائح مهنية
Subscribe to Newsletter
  • English
Jobzella Blog
Home الشركات وأصحاب الاعمال الادارة

ليه أصحاب الأعمال لازم يبدأوا برامج التدريب في شركاتهم؟

Jobzella by Jobzella
يناير 27, 2020
in الادارة, الشركات وأصحاب الاعمال, نصائح مهنية
Reading Time: 1 min read
التدريب

التدريب

0
SHARES
79
VIEWS
Share on FacebookShare on Twitter

الشركات الناجحة مش هم اللي بيقدموا خدمات ومنتجات كويسة بس، لكن كمان بيوفروا وظائف و برامج تدريب للفئات مختلفة من الناس، و ده بيزود مهنيتهم و شهرتهم و تعلق الناس بهم. لكن معظم أصحاب الشركات بيعتقدوا أنهم بس محتاجين موظفين يشتغلوا بدوام يومي ويكونوا ملتزمين بالشغل بشكل كامل عشان الشركة تنجح، وللأسف في ناس كتير بردو بتفكر كدة. بس التفكير ده مش صحيح، لان بالرغم من أن الموظفين المخلصين أكيد بيساندوا الشركة و بيساعدوها تنجح، لكن التنوع هو اللي بيديها القوة و الابداع و بيخلق التعاون جوه الشركة. جوبزيلا بتقدملك دليل يعرفك ليه شركتك محتاجة برنامج تدريب، وازاي تكون برنامج ناجح فيها؟

١. المتدربين دائما متميزين:

Related articles

أفضل فرص العمل والتدريب لحديثي التخرج في مصر 2025: دليلك الشامل للانطلاق المهني

محادثة واحدة قد تغير راتبك — هل أنت مستعد لخوضها؟

قبل ما نتكلم عن مميزات المتدربين، لازم نتعرف عليهم الأول. المتدربين عادة بيكونوا طلبة جامعات (غالبا في سنة تالتة، أو سنة رابعة)، أو بيكونوا حديثي التخرج، و بيشتغلوا في شركة لمدة قصيرة ممكن تدوم لفترة من أسبوع لحد ١٢ شهر. الهدف بيكون أن الشخص يكتسب خبرة حقيقية في الشغل ويتعرف على سوق العمل والمجالات المختلفة اللي فيه. بعض الشركات بتدي مقابل مادي للمتدربين، لكن الشائع أن الشركان بتعمل برامج تدريب في أقسامها المختلفة مقابل اكتساب الخبرة عشان هم لسة متخرجين. بغض النظر عن نوع البرنامج، وجود المتدربين دائما مهم و مفيد لشركتك عشان بيتميزوا بالصفات ده:

* عندهم طاقة كبيرة:

المتدربين بيبقى سنهم صغير، و دائما متحمسين أنهم يتعلموا ومستعدين للاكتشاف و المغامرة. وده بيشجعهم على التحدي و أنهم يثبتوا نفسهم. و ده بيخليهم يشتغلوا جامد، و يؤدوا المهام اللي عليهم بطريقة مثالية عشان يكتسبوا خبرة على قد ما يقدروا و يحققوا اقصى نجاح ممكن من فرصة تدريب في شركة.

* مش بيحتاجوا مرتبات كتير:

صحيح ان فيه شركات بتعرض مرتب بسيط للمتدربين، لكن معظم فرص تدريب الخريجين بتكون من غير فلوس لأنهم لسة متخرجوش أو معندهمش الخبرة الكافية. وده بيخلي الهدف الأساسي لأي برنامج تدريب هو إن الطلبة تتعرض لسوق العمل، و يكتسبوا خبرة بدائية تساعدهم أنهم يتقدموا في شغلهم و يكونوا ملفهم المهني.

* مبدعين:

عشان سنهم صغير و لسة جداد في حياة الشغل، المبتدئين بيكونوا متحمسين وعندهم القدرة على التفكير المبدع و أنهم يطلعوا مقترحات مبتكرة. وكمان طموحهم و حماستهم بتدفعهم لأنهم ينجحوا و يحققوا إنجازات كبيرة. وعشان كدة، لما بيتوجهوا صح، و بيعرفوا يشتغلوا ازاي، بيقدروا من خلال فترة تدريب الشركة، إنهم يساعدوا على تطوير خطط مبتكرة و تنفيذها بطريقة ناجحة في خلال فترة زمنية قصيرة جدا.

* بيتمتعوا بالإبتكار:

المتدربين يعتبروا في رحلة عشان يكتشفوا نفسهم و حياة الشغل، و ده مبيخليش عندهم أي حدود أو قيود تقلل من حريتهم في الإبتكار. عشان كدة بيتحدوا المعروف، و بيكتشفوا حاجات جديدة، عشان يخلقوا فرص مبدعة توسع شغلهم و توصلهم لأهداف أكبر. و على عكس معظم الموظفين الأكبر سنا، المتدربين بيستغلوا فترة تدريب الشركة عشان يربطوا مستقبل مجال العمل ده بالواقع اللي هم عايشين فيه. وده بيساعدهم أنهم يبدعوا أكتر و يطلعوا أفكار أحسن و أعمق تنجح الشركة و تخليها تتقدم على الشركات المنافسة.

٢. برنامج تدريب الشركة بيساعد على إختيار موظفين جداد:

برامج التدريب بتوفر للشركة طريقة تساعدها على أختبار الموظفين وتعرف مدى قوة شغلهم و التزامهم  و قدراتهم و أخلاقهم قبل ما تعينهم بشكل رسمي. وده كمان بيوفر للشركة وقت و مجهود كانت هتبذله عشان تدريب الموظفين الجداد و تعرفهم على طريقة الشغل. من ناحية تانية، تدريب الشركة بيعتبر وسيلة ممتازة لتوفير موظفين جداد للشركة طول السنة، و بتساعدهم على اختيار الأحسن للوظائف الشاغرة في المستقبل.

٣. برنامج التدريب بيزود انتاجية و نمو الشركة:

لأن المتدربين بيكونوا مبدعين، وعندهم ابتكار و طاقة و غير مكلفين، بيقدروا يساعدوا الشركات على خلق و تنفيذ خطط أحسن و فرص أفضل عشان يطوروا من منتجاتهم و خدماتهم. ومع حماسهم و استعدادهم للشغل، بتكون انتاجيتهم أعلى و ده بيسرع من عملية نمو الشركة و تطورها.

٤. برامج التدريب بتساعد في بناء الشركات:

خاصة لو كانت الشركة صغيرة أو لو كانت مشروع جديد، برامج تدريب الشركة بتوفر أيد عاملة غير مكلفة، و بتجذب عقول المبدعين، و الموظفين اللي بيكون كل اهتمامهم متركز على نجاح الشركة و تقدمها. من ناحية تانية، لما نجمع عقول و إبداع المتدربين مع دعم و توجيه أصحاب الشركات و خبرة الموظفين، بتقدر نحقق إنجازات أكتر في وقت أسرع و بكفاءة أعلى من لو كان الموظفين بيشتغلوا لوحدهم.

٥. برامج التدريب بتساعد الطلبة، وده معناه أن الشركة بتقدم خدمة للمجتمع و بتنميه:

دائما الطلبة بيقعوا في مشكلة أنهم معندهمش خبرة كافية عشان يتعينوا في أول وظيفة لهم. برامج التدريب بتحل المشكلة ده، و بتساعد على تدريب موظفين جداد عشان يقدروا يشتغلوا في أي وظيفة شاغرة في المستقبل. ده معناه أن برامج التدريب مفيدة للطرفين: الطلبة و أصحاب الشركات. وكمان لما الشركات بتوفر برامج تدريب للطلبة، هم كدة بيوجهوهم في رحلة اكتشافهم لحياتهم العملية، و بيساعدوهم على ايجاد الطريق للنجاح. وده بتمثل طريقة كويسة تقدر بها الشركة أنها تساعد مجتمعها و تشكر عملائها على إخلاصهم لها، و ده بيزيد من شعبية الشركة و حب الناس لها.

٥ نصائح هتساعدك تبدأ برنامج تدريب يكون مناسب لشركتك:

دلوقتي أنت فهمت، كصاحب شركة، أهمية توفير برنامج تدريب و فائدته لشركتك، السؤال هنا هو ازاي تبدأ برنامج يكون مناسب لها؟ بس متقلقش، جوبزيلا بتقدملك الدليل ده و بتنصحك إنك تعمل الخطوات ده عشان تقدر تستفيد من وجود المتدربين في شركتك.

– خليك محدد وواضح لما تحط تفاصيل برنامج التدريب:

حدد عدد ساعات العمل، و المهارات و المؤهلات المطلوبة، المهام اللي هيتم تعيينها للمتدربين، أجر العمل سواء المادي أو المعنوي، و امكانية تعيينهم بعد انتهاء فترة التدريب. كل الحاجات ده و كمان جدول البرنامج أنت تقدر تخططله على حسب نوع شركتك، شغلها و احتياجاتها.

– تابعهم و عرفهم رأيك في شغلهم طول فترة تدريب الشركة:

صحيح أن المتدربين بيعملوا كل الشغل اللي أنت يتطلبه، لكنهم بيكونوا محتاجين خبرتك و نصيحتك في المقابل. لازم يعرفوا رأيك في أدائهم لشغلهم و ازاي عايزهم يطوروا من مهاراتهم و شغلهم، وده جزء مهم جدا من التدريب عشان بيعرفهم ازاي يقيموا نفسهم بعد كدة. من ناحية تانية، رأيك ممكن يزود من ثقتهم في نفسهم، و يفهموا الشغل أكتر و اللي متوقع منهم.

– شاركهم في أنشطة مختلفة و مشاريع كبيرة:

خالي تجربة تدريب الخريجين في شركتك مميزة و اديهم المجال أنهم يجربوا مهام مختلفة عشان يقدروا يفهموا التفاصيل المختلفة للشغل و مجال العمل. شاركهم في مشاريع كبيرة و صغيرة، و خليهم يشتغلوا لوحدهم و مع فريق، عشان تزيد الفائدة اللي هياخدوها من التدريب، وتكتشف امكانياتهم و حدود قدراتهم.

– خليك مرن و تقبل أرائهم و إبداعاتهم:

شجعهم على أنهم يعبروا عن أفكارهم و أرائهم و مقتراحاتهم في الحاجات المتعلقة بالشغل. اديهم المساحة عشان يبدعوا و يساعدوا في التخطيط لتحسين الشغل. حاول تحسسهم أنهم جزء من الفريق و أنهم عنصر مهم جدا لنجاح الشركة. و متنساش تكافئهم على إنجازاتهم خلال فترة تدريب الشركة، و خليك موجود على طول عشان لو احتاجوا مساعدتك أو نصيحتك في الشغل.

– خطط للنهاية المثالية للبرنامج:

نظم جدول برنامج التدريب من ناحية المهارات اللي هيحتاج المتدربين أنهم يتعلموها، المهام اللي هينفذوها، و نظام البرنامج. اديهم تجربة مميزة، و فكر في جوائز، شهادات تقدير أو حتى تكريم في المكتب على الانجازات اللي حققوها. ووفرلهم امكانية انك تكتبلهم رسالة توصية، وخاصة المتدربين المتميزين، عشان تشجعهم على الاستمرار في النجاح و التقدم.

Tags: برامج التدريببرنامج تدريبخبرة عملية
Jobzella

Jobzella

Related Posts

أفضل فرص العمل والتدريب لحديثي التخرج في مصر 2025: دليلك الشامل للانطلاق المهني

أفضل فرص العمل والتدريب لحديثي التخرج في مصر 2025: دليلك الشامل للانطلاق المهني

by Ahmad Samir
مايو 6, 2025
0

إذا كنت خريجًا جديدًا تبحث عن فرصة لبداية قوية في حياتك المهنية، فأنت لست وحدك. الآلاف من الخريجين في مصر يواجهون نفس التحدي: كيف أحصل على...

محادثة واحدة قد تغير راتبك — هل أنت مستعد لخوضها؟

محادثة واحدة قد تغير راتبك — هل أنت مستعد لخوضها؟

by Ahmad Samir
أبريل 28, 2025
0

لماذا يجب عليك التفاوض على راتبك؟ عندما يحين موعد التقييم السنوي، يكتفي كثير من الموظفين بالصمت، على أمل أن يتم تقدير جهودهم.لكن الحقيقة؟ الأمل لا يكفي....

هل الـ CV بتاعي كويس؟ ولا محتاج تعديل؟

هل الـ CV بتاعي كويس؟ ولا محتاج تعديل؟

by Ahmad Samir
أبريل 6, 2025
0

قائمة المراجعة النهائية لأي باحث عن عمل فيه سؤال بيطارد أي حد بيدور على شغل:"هل الـ CV بتاعي كويس؟ ولا محتاج تعديل؟"السؤال ده لوحده بيخلي كتير...

وظائف برج الحمل: اكتشف مسارك المهني الأمثل

وظائف برج الحمل: اكتشف مسارك المهني الأمثل

by Ahmad Samir
مارس 19, 2025
0

وظائف برج الحمل: أشعل شغفك وحقق طموحك المهني مواليد برج الحمل، أنتم قادة بالفطرة، تتمتعون بشخصية ديناميكية وطاقة لا تنضب. هل تبحثون عن مسار مهني يشعل...

مشاكل في الشغل؟ | إجابات لأكثر من 100 سؤال عن مشاكل العمل

مشاكل في الشغل؟ | إجابات لأكثر من 100 سؤال عن مشاكل العمل

by Ahmad Samir
مارس 3, 2025
0

المقدمة: شفت كل حاجة؟ الحل عندنا! كلنا مرينا بالمواقف ومشاكل من النوع ده: مدير يخليك تراجع قراراتك المهنية! زميل فاكر مكتبك استراحة خاصة ليه! ضغط شغل...

Next Post

ما هو لون ياقتك؟

وظائف حكومية خالية فى مصر

مين قال ان شهادة التخرج كفاية؟

CATEGORIES

TAGS

Job Search إدارة المشاريع: البحث عن عمل التسويق الرقمي التسويق بالمحتوى التعهيد التوظيف المهني الخبرة الخبرة العملية السيرة الذاتية الظهور اونلاين القيادة المبيعات برامج التدريب برامج التدريب، برامج تدريبية، ملتقى التوظيف والتدريب، ملتقى توظيف وتدريب جوبزيلا، إرشاد ونصائح مهنية، نصائح مهنية، إرشاد مهني برنامج تدريب تجربة المستخدم تغيير المسار المهني تفاعل المستخدم توظيف جوبزيلا خبرة عملية خدمات التوظيف رئيس رجال المبيعات سوق العمل سوق لنفسك سيكولوجى شركات التوظيف شركات توظيف مصرية عيد الحب فرص العمل قائد كورسات معارض التوظيف معرض توظيف مقابلة العمل ملتقى التوظيف والتدريب، ملتقى جوبزيلا للتوظيف، توظيف، موارد بشرية، التوظيف من خلال ملتقى جوبزيلا ملتقى الوظائف نصائح نصائح التوظيف وظائف وكالات التوظيف وكالات التوظيف المصرية وكالات التوظيف في مصر

Subscribe to our News feed

Enter your email address:

Jobzella Blog

RSS Subscribe to our RSS feed

© 2024 Jobzella.com

  • الشركات وأصحاب الاعمال
    • الادارة
      • نماذج ادارية
    • التوظيف الالكترونى
    • موارد بشرية
  • المهنيين
    • مهارات شخصية
      • مهارات القيادة
    • البحث عن وظيفة
    • التسويق الشخصى
    • الدورات التدريبية
    • فعاليات
    • مقابلات العمل
    • نصائح مهنية

© 2024 Jobzella.com