وظائف الحكومة المصرية & وظائف القطاع الخاص
إتخرجت والشهادة بقت في إيدك وجه وقت أنك تدور على شغل ؟ بس محتار تشتغل في القطاع العام ولا القطاع الخاص ؟ مش عارف اية مميزات العمل فى كل من القطاع الخاص و وظائف الحكومة المصرية وايه الأنسب ليك ؟
كل واحد فينا بيدور على شغل يأمن بيه حياته ومستقبله ولكن ممكن تحت الضغط والظروف يتخلى عن طموحه ويقبل بأي وظيفة تجيله من غير مايقيم أثارها الإيجابية والسلبية على مستقبله الشخصي والمهني. فـ بالرغم من توفير وزارة القوي العاملة لأكثر من 400 ألف وظيفة مختلفة بالقطاع الخاص إلا ان الشباب امتنع عن معظمها لغياب ثقافة العمل ببعض تلك الشركات وتفضيلة وظائف الحكومة المصرية رغم تضخم أعداد العاطلين عن العمل لتتجاوز نسبتهم 6.3 مليون عاطل بينهم 33% حاملين مؤهلات عليا و45% من الحاصلين علي مؤهل متوسط ( طبقا لاحصائيات الجهاز المركزي للتعبئة والاحصاء ) إلا انهم مازالوا متمسكين بـ وظائف الحكومه المصريه لإرتباطها عندهم بالأمان.
في المقال دا هنوضح الفرق بين الوظائف الحكومية والوظائف الخاصة وتصحيح بعض المفاهيم الغلط اللي عند الشباب بخصوص الشغل في القطاع الخاص والتمسك بالوظيفة الميري وهنقدملكم وظائف خالية حكومية ووظائف خاصة.
أولا : الوظائف الحكومية
غالباً بيتم الإعلان عن الوظائف الحكومية في المجالات المختلفة عن طريق ” بوابة الوظائف الحكومية ” وبيتم تجديدها كل فترة. تقدر تلاقي هناك أغلب وظائف الحكومه المصريه الجديدة .
طيب ايه هى مميزات وظائف بوابة الحكومة المصرية ؟
- القطاع الحكومي بيرشحلك وظائف مناسبة للكلية أو المعهد اللي أتخرجت منه.
- الشغل في الوظائف الحكومية –من وجهة نظر بعض الشباب- بتوفرلهم الأمان والاستقرار لأن المرتب ثابت والوظيفة ثابتة.
- ساعات العمل قليلة وغالبا بتبقى من 6 ل 7 ساعات لمدة خمس أيام أسبوعياً .
- الأجازات الرسمية أكتر نسبياً من القطاع الخاص ويتمتع العمل الحكومي بدعم الحكومة له .
طيب إيه هى عيوب الوظائف الحكومية ؟
زي مافي مميزات للوظائف الحكومية برضه ليها عيوب لازم نقولها وبتتضمن:
- نظام العمل ثابت وروتيني .
- تأمين طبي ضعيف ومابيغطيش كل الأقسام .
- تعقيد بعض إجراءات السفر بسبب عملك بالحكومة.
- الافتقار للإبداع والتطوير بسبب روتين الشغل .
- مش كل الوظائف الحكومية في مصر مرتباتهم مناسبة . بعض الأقسام مرتبتهم قليلة جدا مقارنة بالغلاء المعيشي .
- الزيادة على المرتب بتكون قليلة جدا وبعد فترات كبيرة .
- صعوبة في الحصول على ترقيات بسبب الأستقرار والثبات الوظيفي.
** وظائف حكومية اليوم علي بوابة الحكومة المصرية :
وظائف حكومية خالية فى مصر خلال الشهر الحالي والمتواجدة على بوابة الوظائف الحكومية :
مدير عام الشئون القانونية / الهيئه العامة للنقل البحرى
مدير عام الهندسة المدنية / الهيئة العامة لمواني البحر الأحمر
أمين كلية التربية / جامعة الفيوم
مدير عام الرياضة ومدير عام الشباب / مديرية الشباب والرياضة بالدقهلية
ثانيا : وظائف القطاع الخاص
إتكلمنا عن وظائف الحكومة المصرية والوقتى هنتكلم عن القطاع الخاص
القطاع الخاص بيتكون من عدة شركات وكل شركة بيملكها شخص أو كذا شخص بترخيص من الحكومة وبيكون لكل شركة الشروط بتاعتها. في حاجات كتير بتميز القطاع الخاص عن الوظائف الحكومية ومنها:
- مش لازم تشتغل بشهادتك الجامعية أو المعهد فممكن تشتغل في أي مكان مهتم بية أو أى قسم أنت عندك خبرة فيه .
- زيادة الرواتب أسرع بكتير من وظائف الحكومة المصرية .
- سرعة الترقية عالية عشان الشركة بتسعى لتطور دائم للوجود في سوق العمل أطول فترة ممكنة.
- آمن زية بالظبط زى القطاع الحكومى لأنك بإختصار بتكتسب خبرة كبيرة فية عن وظائف الحكومة وبالتالي حتى لو شركتك لم تستمر أو انت تركتها لأي ظروف هتلاقي شغل فى مكان تانى بالخبرة اللى إكتسبتها من الشغل دا .
- مستوى وجودة التأمين الطبي عالي .
- التطوير و الإبداع موجود دايما في مجال الشغل في الوظائف الخاصة على عكس وظائف الحكومة المصرية.
- عندك رصيد من الأجازات السنوية تقدر توزع زي ماتحب.
ومع ذلك ففي بعض العيوب للشغل في الشركات وهما: ساعات العمل الطويلة أحيانا بتوصل ل 10 ساعات -على حسب الوظيفة- ، لازم تنجز الشغل بكفائه عالية عشان تضمن أن مايتخصمش من مرتبك أو تتفصل ، بعض الشركات بيكون المدير هو المتحكم و المسيطر في الشغل.
أنتو متخيلين أن متوسط عدد البحث على “وظائف حكومية” 110000 شهريا خلال سنة 2016 !! ..
ودا بيوضح مدى تمسك الباحثين بوظائف الحكومة المصرية وتجاهل فرص العمل الكتيرة المتاحة في القطاع الخاص! .. في النهاية من الضروري تغيير مفهوم أن الوظائف الحكومية “أضمن” من الشغل الخاص عند الشباب و تفضيل أنهم يستنوا وظائف حكومية خالية على أنهم يقدموا في وظائف في شركات خاصة وتشجيعهم بالإقبال على الشغل في الشركات والاستفادة من المميزات اللي بتقدمها .
جوبزيلا عليها آلاف الفرص فى مختلف المجالات تقدر تشوف الوظائف المختلفة وتقدم على الوظيفة المناسبة ليك (من هنا)
