Jobzella Blog
No Result
View All Result
subscribe rss Subscribe to RSS
  • الشركات وأصحاب الاعمال
    • الادارة
      • نماذج ادارية
    • التوظيف الالكترونى
    • موارد بشرية
  • المهنيين
    • مهارات شخصية
      • مهارات القيادة
    • البحث عن وظيفة
    • التسويق الشخصى
    • الدورات التدريبية
    • فعاليات
    • مقابلات العمل
    • نصائح مهنية
Subscribe to Newsletter
  • EnglishEnglish
Jobzella Blog
  • الشركات وأصحاب الاعمال
    • الادارة
      • نماذج ادارية
    • التوظيف الالكترونى
    • موارد بشرية
  • المهنيين
    • مهارات شخصية
      • مهارات القيادة
    • البحث عن وظيفة
    • التسويق الشخصى
    • الدورات التدريبية
    • فعاليات
    • مقابلات العمل
    • نصائح مهنية
Subscribe to Newsletter
  • EnglishEnglish
Jobzella Blog
Home الشركات وأصحاب الاعمال الادارة

ليه أصحاب الأعمال لازم يبدأوا برامج التدريب في شركاتهم؟

Jobzella by Jobzella
أغسطس 2, 2016
in الادارة, الشركات وأصحاب الاعمال, نصائح مهنية
2 min read
التدريب

التدريب

0
SHARES
41
VIEWS
Share on FacebookShare on Twitter

Related articles

أنواع المقابلات الشخصية : أين تكمُن الفروق بينها؟

كيف تستخدم لغة الجسد في المقابلة الشخصية لصالحك؟

الشركات الناجحة مش هم اللي بيقدموا خدمات ومنتجات كويسة بس، لكن كمان بيوفروا وظائف و برامج تدريب للفئات مختلفة من الناس، و ده بيزود مهنيتهم و شهرتهم و تعلق الناس بهم. لكن معظم أصحاب الشركات بيعتقدوا أنهم بس محتاجين موظفين يشتغلوا بدوام يومي ويكونوا ملتزمين بالشغل بشكل كامل عشان الشركة تنجح، وللأسف في ناس كتير بردو بتفكر كدة. بس التفكير ده مش صحيح، لان بالرغم من أن الموظفين المخلصين أكيد بيساندوا الشركة و بيساعدوها تنجح، لكن التنوع هو اللي بيديها القوة و الابداع و بيخلق التعاون جوه الشركة. جوبزيلا بتقدملك دليل يعرفك ليه شركتك محتاجة برنامج تدريب، وازاي تكون برنامج ناجح فيها؟

١. المتدربين دائما متميزين:

قبل ما نتكلم عن مميزات المتدربين، لازم نتعرف عليهم الأول. المتدربين عادة بيكونوا طلبة جامعات (غالبا في سنة تالتة، أو سنة رابعة)، أو بيكونوا حديثي التخرج، و بيشتغلوا في شركة لمدة قصيرة ممكن تدوم لفترة من أسبوع لحد ١٢ شهر. الهدف بيكون أن الشخص يكتسب خبرة حقيقية في الشغل ويتعرف على سوق العمل والمجالات المختلفة اللي فيه. بعض الشركات بتدي مقابل مادي للمتدربين، لكن الشائع أن الشركان بتعمل برامج تدريب في أقسامها المختلفة مقابل اكتساب الخبرة عشان هم لسة متخرجين. بغض النظر عن نوع البرنامج، وجود المتدربين دائما مهم و مفيد لشركتك عشان بيتميزوا بالصفات ده:

* عندهم طاقة كبيرة:

المتدربين بيبقى سنهم صغير، و دائما متحمسين أنهم يتعلموا ومستعدين للاكتشاف و المغامرة. وده بيشجعهم على التحدي و أنهم يثبتوا نفسهم. و ده بيخليهم يشتغلوا جامد، و يؤدوا المهام اللي عليهم بطريقة مثالية عشان يكتسبوا خبرة على قد ما يقدروا و يحققوا اقصى نجاح ممكن من فرصة تدريب في شركة.

* مش بيحتاجوا مرتبات كتير:

صحيح ان فيه شركات بتعرض مرتب بسيط للمتدربين، لكن معظم فرص تدريب الخريجين بتكون من غير فلوس لأنهم لسة متخرجوش أو معندهمش الخبرة الكافية. وده بيخلي الهدف الأساسي لأي برنامج تدريب هو إن الطلبة تتعرض لسوق العمل، و يكتسبوا خبرة بدائية تساعدهم أنهم يتقدموا في شغلهم و يكونوا ملفهم المهني.

* مبدعين:

عشان سنهم صغير و لسة جداد في حياة الشغل، المبتدئين بيكونوا متحمسين وعندهم القدرة على التفكير المبدع و أنهم يطلعوا مقترحات مبتكرة. وكمان طموحهم و حماستهم بتدفعهم لأنهم ينجحوا و يحققوا إنجازات كبيرة. وعشان كدة، لما بيتوجهوا صح، و بيعرفوا يشتغلوا ازاي، بيقدروا من خلال فترة تدريب الشركة، إنهم يساعدوا على تطوير خطط مبتكرة و تنفيذها بطريقة ناجحة في خلال فترة زمنية قصيرة جدا.

* بيتمتعوا بالإبتكار:

المتدربين يعتبروا في رحلة عشان يكتشفوا نفسهم و حياة الشغل، و ده مبيخليش عندهم أي حدود أو قيود تقلل من حريتهم في الإبتكار. عشان كدة بيتحدوا المعروف، و بيكتشفوا حاجات جديدة، عشان يخلقوا فرص مبدعة توسع شغلهم و توصلهم لأهداف أكبر. و على عكس معظم الموظفين الأكبر سنا، المتدربين بيستغلوا فترة تدريب الشركة عشان يربطوا مستقبل مجال العمل ده بالواقع اللي هم عايشين فيه. وده بيساعدهم أنهم يبدعوا أكتر و يطلعوا أفكار أحسن و أعمق تنجح الشركة و تخليها تتقدم على الشركات المنافسة.

٢. برنامج تدريب الشركة بيساعد على إختيار موظفين جداد:

برامج التدريب بتوفر للشركة طريقة تساعدها على أختبار الموظفين وتعرف مدى قوة شغلهم و التزامهم  و قدراتهم و أخلاقهم قبل ما تعينهم بشكل رسمي. وده كمان بيوفر للشركة وقت و مجهود كانت هتبذله عشان تدريب الموظفين الجداد و تعرفهم على طريقة الشغل. من ناحية تانية، تدريب الشركة بيعتبر وسيلة ممتازة لتوفير موظفين جداد للشركة طول السنة، و بتساعدهم على اختيار الأحسن للوظائف الشاغرة في المستقبل.

٣. برنامج التدريب بيزود انتاجية و نمو الشركة:

لأن المتدربين بيكونوا مبدعين، وعندهم ابتكار و طاقة و غير مكلفين، بيقدروا يساعدوا الشركات على خلق و تنفيذ خطط أحسن و فرص أفضل عشان يطوروا من منتجاتهم و خدماتهم. ومع حماسهم و استعدادهم للشغل، بتكون انتاجيتهم أعلى و ده بيسرع من عملية نمو الشركة و تطورها.

٤. برامج التدريب بتساعد في بناء الشركات:

خاصة لو كانت الشركة صغيرة أو لو كانت مشروع جديد، برامج تدريب الشركة بتوفر أيد عاملة غير مكلفة، و بتجذب عقول المبدعين، و الموظفين اللي بيكون كل اهتمامهم متركز على نجاح الشركة و تقدمها. من ناحية تانية، لما نجمع عقول و إبداع المتدربين مع دعم و توجيه أصحاب الشركات و خبرة الموظفين، بتقدر نحقق إنجازات أكتر في وقت أسرع و بكفاءة أعلى من لو كان الموظفين بيشتغلوا لوحدهم.

٥. برامج التدريب بتساعد الطلبة، وده معناه أن الشركة بتقدم خدمة للمجتمع و بتنميه:

دائما الطلبة بيقعوا في مشكلة أنهم معندهمش خبرة كافية عشان يتعينوا في أول وظيفة لهم. برامج التدريب بتحل المشكلة ده، و بتساعد على تدريب موظفين جداد عشان يقدروا يشتغلوا في أي وظيفة شاغرة في المستقبل. ده معناه أن برامج التدريب مفيدة للطرفين: الطلبة و أصحاب الشركات. وكمان لما الشركات بتوفر برامج تدريب للطلبة، هم كدة بيوجهوهم في رحلة اكتشافهم لحياتهم العملية، و بيساعدوهم على ايجاد الطريق للنجاح. وده بتمثل طريقة كويسة تقدر بها الشركة أنها تساعد مجتمعها و تشكر عملائها على إخلاصهم لها، و ده بيزيد من شعبية الشركة و حب الناس لها.

٥ نصائح هتساعدك تبدأ برنامج تدريب يكون مناسب لشركتك:

دلوقتي أنت فهمت، كصاحب شركة، أهمية توفير برنامج تدريب و فائدته لشركتك، السؤال هنا هو ازاي تبدأ برنامج يكون مناسب لها؟ بس متقلقش، جوبزيلا بتقدملك الدليل ده و بتنصحك إنك تعمل الخطوات ده عشان تقدر تستفيد من وجود المتدربين في شركتك.

– خليك محدد وواضح لما تحط تفاصيل برنامج التدريب:

حدد عدد ساعات العمل، و المهارات و المؤهلات المطلوبة، المهام اللي هيتم تعيينها للمتدربين، أجر العمل سواء المادي أو المعنوي، و امكانية تعيينهم بعد انتهاء فترة التدريب. كل الحاجات ده و كمان جدول البرنامج أنت تقدر تخططله على حسب نوع شركتك، شغلها و احتياجاتها.

– تابعهم و عرفهم رأيك في شغلهم طول فترة تدريب الشركة:

صحيح أن المتدربين بيعملوا كل الشغل اللي أنت يتطلبه، لكنهم بيكونوا محتاجين خبرتك و نصيحتك في المقابل. لازم يعرفوا رأيك في أدائهم لشغلهم و ازاي عايزهم يطوروا من مهاراتهم و شغلهم، وده جزء مهم جدا من التدريب عشان بيعرفهم ازاي يقيموا نفسهم بعد كدة. من ناحية تانية، رأيك ممكن يزود من ثقتهم في نفسهم، و يفهموا الشغل أكتر و اللي متوقع منهم.

– شاركهم في أنشطة مختلفة و مشاريع كبيرة:

خالي تجربة تدريب الخريجين في شركتك مميزة و اديهم المجال أنهم يجربوا مهام مختلفة عشان يقدروا يفهموا التفاصيل المختلفة للشغل و مجال العمل. شاركهم في مشاريع كبيرة و صغيرة، و خليهم يشتغلوا لوحدهم و مع فريق، عشان تزيد الفائدة اللي هياخدوها من التدريب، وتكتشف امكانياتهم و حدود قدراتهم.

– خليك مرن و تقبل أرائهم و إبداعاتهم:

شجعهم على أنهم يعبروا عن أفكارهم و أرائهم و مقتراحاتهم في الحاجات المتعلقة بالشغل. اديهم المساحة عشان يبدعوا و يساعدوا في التخطيط لتحسين الشغل. حاول تحسسهم أنهم جزء من الفريق و أنهم عنصر مهم جدا لنجاح الشركة. و متنساش تكافئهم على إنجازاتهم خلال فترة تدريب الشركة، و خليك موجود على طول عشان لو احتاجوا مساعدتك أو نصيحتك في الشغل.

– خطط للنهاية المثالية للبرنامج:

نظم جدول برنامج التدريب من ناحية المهارات اللي هيحتاج المتدربين أنهم يتعلموها، المهام اللي هينفذوها، و نظام البرنامج. اديهم تجربة مميزة، و فكر في جوائز، شهادات تقدير أو حتى تكريم في المكتب على الانجازات اللي حققوها. ووفرلهم امكانية انك تكتبلهم رسالة توصية، وخاصة المتدربين المتميزين، عشان تشجعهم على الاستمرار في النجاح و التقدم.

Tags: برامج التدريببرنامج تدريبخبرة عملية
Jobzella

Jobzella

Related Posts

تعرّف على أنواع المقابلات الشخصية وما يجب عليك القيام به أثناء كل نوع منهم.

أنواع المقابلات الشخصية : أين تكمُن الفروق بينها؟

by Hajar Elghareeb
يوليو 28, 2021
0

لابُد أنك ستمُّر بتجربة المقابلة الشخصية لأكثر من مرة خلال حياتك المهنية. وتكمُن أهمية هذه التجربة في كونها تُحدد مُستقبلك القريب، ولذلك فإنه من الضروري التحضير...

لغة الجسد في المقابلة الشخصية

كيف تستخدم لغة الجسد في المقابلة الشخصية لصالحك؟

by Hajar Elghareeb
يوليو 15, 2021
0

تنسجم لغة الجسد مع الحديث لتُكوّن عنك انطباعًا لدى المُحاور أثناء مقابلة العمل، كون الجسد قد يوصل ما لا يستطيع أن توصله الكلمات. ويجب أن تتوّقع...

تعرّف على أهم اسئلة المواقف في مقابلة العمل وكيف تُجيب عنها.

كيف تُجيب على اسئلة المواقف في مقابلة العمل؟

by Hajar Elghareeb
يوليو 7, 2021
0

إذا تقدمت لوظيفة في شركة كبيرة أو بالخارج، فعليك أن تستعد إلى المُنافسة القوية، فمن الصعب أن تتعرّف على ما هو المتوقع حقًا من مُختص التوظيف....

تعلّم من خلال بعض النصائح كيف تجتاز المقابلات الشخصية عن بعد بنجاح

كيف تجتاز المقابلات الشخصية عن بعد بنجاح؟

by Hajar Elghareeb
يوليو 6, 2021
0

المقابلات الشخصية من أهم الخطوات التي من شأنها تحديد مصيرك كونها الفيصل بين قبولك في وظيفة من عدمه. والتجهيز لمثل هذه المقابلات ضروري من أجل ضمان...

تعرّف على كيفية الحصول على وظيفة من خلال موقع جوبزيلا بالتفصيل

دليلك إلى كيفية الحصول على وظيفة من خلال جوبزيلا

by Hajar Elghareeb
يوليو 5, 2021
0

إذا كنت تحاول الحصول على وظيفة جديدة، فلابُد أنك سمعت من قبل بمقولة "البحث عن وظيفة هو وظيفة في حد ذاته"، و في تلك الحالة يكون...

Next Post

ما هو لون ياقتك؟

وظائف حكومية خالية فى مصر

مين قال ان شهادة التخرج كفاية؟

CATEGORIES

TAGS

أبراج، ملتقى التوظيف والتدريب، ملتقى جوبزيلا للتوظيف والتدريب أختبار من 10 أسئلة يساعدك فى تحديد مسار مهني متميز أكتوبر أهم عشرة أسباب للأفراد والشركات لإستكشاف جوبزيلا 2.0 اليوم إتجاهات التوظيف الأساسية في 2015: كيف تُعين موظفينك بصورة أفضل؟ إذا اردت ان تكون ناجحاً ، عليك بإسلوب التألق الأكل الصحي التدريب الذاتي التمدد الدرس الأهم من الإحتفال بإفتتاح قناة السويس الجديدة الراحة الشفافية أم السرية في محيط العمل: من منهما يكسب السباق؟ المشروع الموظفين النجاح الوقوف برامج التدريب، برامج تدريبية، ملتقى التوظيف والتدريب، ملتقى توظيف وتدريب جوبزيلا، إرشاد ونصائح مهنية، نصائح مهنية، إرشاد مهني توظيف خطابات ملهمة، خطابات مهنية خطة العمل روح العام الجديد سيرتك الذاتية عنوانك - كيف تنشئ السيرة الذاتية بصورة إحترافية شخصيات مسلسل فريندز، ملتقى التوظيف والتدريب، ملتقى جوبزيلا للتوظيف والتدريب شركة ناشئة شريك الحياة طلب ترقية كيف تعثُر علي وظيفة أحلامك؟ البحث الوظيفي الفعال - الجزء الثالث كيف تعثُر علي وظيفة احلامك؟ البحث عن وظيفة - الجزء الأول لأصحاب الشركات: إزاي ممكن تخلقوا بيئة عمل مميزة و مريحة للموظفين؟ ليه حديثي التخرج بيحتاجوا فترة تدريب؟ ما هو لون ياقتك؟ مسؤوليات الوظيفة مستقبل الوظائف حتى عام 2025 معارض التوظيف معرض توظيف جوبزيلا وجمعية التطوير والتنمية، 50 شركة مشاركة، فرص عمل، ملتقى جوبزيلا للتوظيف والتدريب، ملتقى جوبزيلا الأول للتوظيف والتدريب مقابلة العمل مقابلة العمل Vs المواعدة الغرامية ملتقى التوظيف والتدريب، ملتقى جوبزيلا للتوظيف، توظيف، موارد بشرية، التوظيف من خلال ملتقى جوبزيلا مميزة مين قال ان شهادة التخرج كفاية؟ نصائح جوبزيلا حول البحث عن وظيفة بالخارج نوفمبر هدايا هل أنت لاعب فريق قوي .. ام ضعيف؟! وظائف حكومية خالية فى مصر

Subscribe to our News feed

Enter your email address:

Jobzella Blog

RSS Subscribe to our RSS feed

© 2019 Jobzella.com

  • الشركات وأصحاب الاعمال
    • الادارة
      • نماذج ادارية
    • التوظيف الالكترونى
    • موارد بشرية
  • المهنيين
    • مهارات شخصية
      • مهارات القيادة
    • البحث عن وظيفة
    • التسويق الشخصى
    • الدورات التدريبية
    • فعاليات
    • مقابلات العمل
    • نصائح مهنية

© 2019 Jobzella.com